Столтенберг повторно побара мирно решавање на севернокорејската криза
Генералниот секретар на НАТО Јенс Столтенберг, кој е во посета на Јапонија, денеска повторно повика на мирно решавање на севернокорејската криза.
- Ние сме исто толку загрижени, колку и вие, од провокативното и неразумно однесување на Северна Кореја, кое претставува директна закана за Јапонија и регионот, но исто така е и глобална закана, изјави Столтенберг во обраќањето во Токио пред експерти и високи функционери на јапонското Министерство за одбрана.
Сепак, тој истакна дека и при ваквата ситуација, не треба да се користат вооружените сили, туку е неопходно мирно решение на проблемот.
Пред десетина дена, Столтенберг оцени дека воена интервенција во Северна Кореја би имала „катастрофални последици".
- НАТО силно го поддржува политичкиот, дипломатски и економски притисок врз Северна Кореја, повтори денеска Столтенберг.
Тој ја истакна потребата санкциите против Пјонгјанг, кои во семптември беа одобрени од ОН, да се применат „во целост и со најголема транспарентност".
Во текот на последните месеци, севернокорејскиот режим изврши шеста по ред нуклеарна проба и тестови на неколку балистички ракети со голем дострел, способни да ги погодат бреговите на САД.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350