Страшна сообраќајка кај Стража, најмалку петмина повредени
Во сообраќајна несреќа која се случила денеска околу 13 часот на преминот Стража повредени се пет лица, соопштија од МВР.
Од сé уште неутврдени причини „фолксваген тигуан“ со белоруски таблички кој го управувал белоруски државјанин излетал од коловозот и паднал во длабока бездна во непосредна близина на Стража откако возачот загубил контрола. Покрај него, во автомобилот имало две жени и две деца.
Повредените не се во животозагрозувачка состојба. Според првичните податоци на полицијата, една жена и двете деца добиле телесни повреди и со медицински возила се префрлени во гостиварската болица за натамошна опсервација.
Во моментов се врши увид на местото на настанот. Полицајци од гостиварската полициска станица го обезбедуваат местото и се прават напори да се извади возилото од бездната.
Сообраќајот на делницата Гостивар-Кичево се одвива нормално.
Ново на Сител
-
Комплетиран предлог составот на новата влада, гласањето најавено за 22 и 23 јуни
-
Американски турист пронајден мртов на остров во близина на Крф, исчезнаа уште тројца туристи
-
Шест години од потпишувањето на Договорот од Преспа
-
Лидерите на ЕУ на неформална средба ќе расправаат за избор на носителите на врвните функции во Унијата
-
Столтенберг во посета на САД и Канада
-
Состојба на патиштата
-
Сончево и топло, температурата до 36 степени
-
Мажите мора да служат војска | Димитар Атанасовски | Лабави муабети | Sitel Podcast 44