Студенти од Габон прекинаа митинг на Никола Саркози
Предизборен митинг на поранешниот француски претседател Никола Саркози во местото Марк-ен-Бароеул на северот на Франција, беше прекинат од страна на десетина студенти од Габон, кои се противат на реизбраниот габонскиот претседател Али Бонго на спорните претседателски избор одржани на 27 август, чии конечни резултати треба да бидат објавени во наредните денови, јави дописникот на МИА од Париз.
Додека Саркози им се обраќаше на околу илјада свои приврзаници, студентите, кои носеа знамиња на Габон, влегоа во салата извикувајќи „Саркози, дојди побарај го Али!“.
Тие го обвинуваат Саркози дека кога беше претседател на Франција, му помогнал на Бонго да се одржи на власт.
По неколку десетици секунди двоумење, Саркози им одговори на студентите: „Ова е Франција, не е Габон“. - Ако сакате да зборувате за Габон, вратете се таму!, изјави Сракози пропратен со силен аплауз од публиката.
Студентите од Габон потоа беа избракани од салата од страна на припадниците на службата за безбедност.
Претходно во текот на денот Саркози беше пречекан со извици „Саркози во затвор!“, од страна на десетина радикални левичари пред една книжара во местото Туркуанг, каде што дојде да ја потпишува својата нова книга. Неговите поддржувачи одговорија со скандирање: „Саркози, претседател!“.
Ново на Сител
-
Министерот Мисајловски во Вашингтон на билатерални одбранбени консултации со САД
-
Мицкоски: Албанскиот јазик не е загрозен, лично го почитувам и тоа го покажуваме со дела
-
Курти: Нападот во Бањска беше терористички чин на агресија против територијалниот интегритет на Косово
-
Мицкоски: Предвидени се пари за раст на платите во јавната администрација за наредната година
-
Од денеска цените на дел од прехранбените производи треба да бидат намалени
-
Повеќе лесно повредени лица во сообраќајна несреќа на крстосница на регионалниот пат Куманово-Свети Николе
-
Минималните трошоци во септември 61.306 денари, ССМ се надева дека ако се почитува одлуката на Владата, ќе се намалат трошоците за храна
-
СВР Битола поднесе кривични пријави против осум лица поради предизвикување пожари