Сугарески ќе изврши увид во изградбата на патот Штип - Радовиш

Министерот за транспорт и врски Горан Сугарески и директорот на ЈП за државни патишта Зоран Китанов денеска ќе извршат увид во изградбата на експресниот пат Штип - Радовиш.  

Станува збор за првата фаза од проектот што опфаќа 23 километри, а инвестицијата е 27 милиони евра.

Според Министерството за транспорт, во тек е евалуација на понудите за втората фаза од изградбата, вредна 20 милиони евра, која се однесува на подделниците Три чешми - Штип југ и Бучим - Радовиш, долги вкупно 13 километри.