Светот е соочен со најлоша криза од 1947 година, тврди директорот на СТО

Азеведо сега е во Буенос Аирес каде се одржува самитот Г-20, и во изјава за Би-Би-Си рече дека „ова е најлошата криза не за СТО туку за целиот мултилатерален трговски систем од Општиот договор за царини и трговија од 1947 година“.

– Ова е момент кога некои темелни начела на организацијата се оспоруваат и се доведуваат во прашање. Мислам дека тоа е многу сериозно, изјави Азеведо.

Според него, „начинот на комуникација“ меѓу Кина и САД мора да се префрли од „заканувачки и обвинувачки во оној за изнаоѓање решенија“.

САД и СТО во моментот се во спор поради Телото за жалби што решава трговски спорови меѓу државите. САД блокира именување во тоа тело бидејќи ја преиспитува неговата улога, и тоа тело поради тоа едвај функционира.