СЗО: Не се зголемува ризикот од рак преку употреба на мобилни телефони
Користењето на мобилни телефони не го зголемува ризикот од развој на рак, покажува најобемното истражување на оваа тема нарачано од Светската здравствена организација.
Ги анализиравме и сумиравме сите научни докази од опсервациски студии на луѓе на оваа тема од целиот свет“, рече коавторот Ден Баакен од германската Федерална канцеларија за заштита од зрачење (БфС), еден од институтите вклучени во истражувањето.
„Можеме со голема сигурност да кажеме дека ништо не превидивме“, рече Баакен. Тие анализирале дури 5.000 студии на тема поврзаност помеѓу мобилните телефони и ракот објавени во изминатите децении.
Во нивната финална анализа, ги вклучиле сите видови на рак, но особено се фокусирале на оние кои влијаат на централниот нервен систем, вклучувајќи ги и туморите на мозокот.
Тие откриле дека употребата на мобилни телефони не доведува до зголемен ризик од рак, вклучувајќи тумори на мозок, тумори на хипофиза, тумори на плунковни жлезди или леукемија.
Според истражувачите, изложеноста на радиофреквентно зрачење од базните станици или антени за емитување, исто така, не го зголемува ризикот од развој на рак.
Анализата објавена во списанието Енвајормент интернешнл вклучувала студии до крајот на 2022 година, што значи дека истражувањето за новата 5Г технологија за мобилни мрежи не е вклучено.
„Сепак, вклучивме студии со контакт со радарски извори, а радарот има слична фреквенција како 5Г“, рече Баакен.
Ново на Сител
-
Вучиќ: Младите од 20 до 35 години, дури и невработените, ќе можат да земат станбен кредит
-
Инспектор нападнал началник во просториите на полицијата во Радовиш
-
Германија: Билансот од нападот на божиќниот пазар во Магдебург се искачи на пет загинати, над 200 повредени
-
Автомобил излета кај Мавровка, повредени две лица
-
Нови врнежи претежно од снег од понеделник и средина на работната недела
-
Во завршна фаза се активностите за санација на главниот градски водовод
-
Сите патни правци во државава се проодни
-
Обвинителството ги истражува причините за смртта на професорот Кожухаров, декан на Економски факултет Скопје