СЗО одобри да се дава вакцина против маларија на децата во Африка
Светската здравствена организација(СЗО) го одобри давањето на првата вакцина против маларија на деца во Африка. Директорот на СЗО, Теодрос Гебрејесус рече дека станува збор за „историски момент“ во борбата против болеста што убива стотици илјади луѓе годишно.
Шефот на СЗО зборуваше по состанокот на кој две експертски советодавни групи од СЗО препорачаа давање вакцина на деца низ Африка.
„Денешната препорака нуди трошка надеж за [Африка], која го носи најтешкиот товар на болеста. Очекуваме многу деца да бидат заштитени од маларија и да израснат во здрави возрасни лица“, рече доктор Матшидисо Моети, директор на СЗО за Африка.
СЗО рече дека нејзината одлука во голема мера се базира на резултатите од тековната пилот-програма во голем обем во Гана, Кенија и Малави, во која беа следени повеќе од 800 илјади доенчиња кои ја примиле вакцината од 2019 година.
Вакцината е само околу 30 проценти ефикасна и нејзината заштита згаснува по неколку месеци, но научниците велат дека сепак може да има големо влијание.
СЗО вели дека 94 проценти од случаите на зараза и смртните случаи од маларија се случуваат во Африка, каде што живеат 1,3 милијарди луѓе. Оваа болест што ја предизвикува заразен комарец кога ќе касне човек убила 386 илјади луѓе од Африка во 2019 година, според проценката на СЗО.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација