СЗО: Во Гвинеја нема повеќе ебола

Светската здравствена организација ја прогласи Гвинеја за земја во која нема ебола, откако епидемијата однесе над 2.500 животи.

Еболата нанесе сериозни штети на економијата на Гвинеја, на здравствениот и на образовниот систем. Поради еболата 6.200 деца во Гвинеја останаа сираци.

Гвинеја е прогласена за земја без ебола откако 42 денови не беше регистриран нов заразен по оздравувањето на последниот пациент.

Од ебола во светот разболеа 28.600 луѓе од кои 11.300 починаа. Најголем број на жртви регистрирани се во Либерија, каде 4.800 починаа, а во Гвинеја со ебола беа инфицирани над 3.800 лица.