Тачи апелира на помирување
Потребно ни е национално помирување и да не дозволиме насилство да се вгнезди во нашето Косово. Ова е апелот на косовскиот претседател Хашим Тачи по инцидентот со фрлената експлозивна направа во зградата на косовскиот парламент.
- Насилството носи страв, стравот носи омраза, а омразата потоа носи уште поголемо насилство. Ние може да не се согласуваме околу многу работи, но за она за кое треба сите да бидеме согласни е тоа дека насилството не треба да најде место во нашето Косово, апелира Тачи.
Тој најсилно го осудува синоќешниот напад врз зградата на законодавниот дом.
- Можеби не ги знаеме имињата на напаѓачите, но знаеме дека тие се луѓе кои не го сакаат Косово, не ја посакуваат европската иднина на нашите граѓани и не сакаат косовските деца да растат во мир, оцени Тачи.
Тој уште искажува доверба во правосудните органи дека ќе ги идентификуваат напаѓачите и ќе го расветлат случајот.
- Верувам дека сите ќе се обединиме и нема да дозволиме насилството да најде место во нашето општество, вели Тачи..
Непознати напаѓачи синоќа фрлија експлозивна направа во зградата на косовскиот парламент. Како што соопшти локалната полиција, експлозивот бил фрлен од растојание и при нападот нема настрадани лица.
Ново на Сител
-
Хотелиерите очекуваат одлична туристичка сезона, исполнетоста за празниците повеќе од половина
-
Одбележување на Меѓународниот ден на трудот ширум светот
-
Денеска е Велика среда
-
ЦУК апелира до граѓаните на внимателност при палење оган на отворено
-
Меѓународниот ден на трудот ќе се одбележи со првомајски протест
-
Една недела до одржување на изборите, партиите продолжуваат со предизборните активности
-
Зградата на ЕК осветлена во чест на 20-годишнината од големото проширување на ЕУ
-
Првомајски штрајк и протести во Грција