Тав Македонија: Сите аеродромски системи се во функција и засега нема откажани летови
Сите аеродромски системи се во функција и засега нема откажани летови, информираат од ТАВ Македонија, подружница на ТАВ Аеродроми, аеродромскиот оператор на двата македонски аеродроми.
Оттаму велат дека не се соочуваат со прекини или технички проблеми на нивните системи.
- Факт е дека одредени авиокомпании се соочуваат со тешкотии со нивните системи, но ние преземавме мерки за овозможување на непречени операции на аеродромите, стои во соопштението од ТАВ.
Апелираат сите патници да ги проверат и потврдат информациите за нивниот лет со авиокомпанијата или туристичката агенција преку која резервирале авиобилет.
- Сите аеродромски сектори се во состојба на подготвеност поради глобалниот ИТ прекин и се преземаат сите неопходни мерки за опслужување на нашите патници на најдобар можен начин, дополнуваат од ТАВ.
Поради голем ИТ дефект денеска светските авиокомпании, аеродромите на најмалку четири континенти, здравствените системи, банките, телекомуникациите, медиумите и други компании, институции и организации се соочуваат со потешкотии во работата.
Сè поголем број влади и институции тврдат дека зад големиот технолошки дефект што ги погоди компаниите и системите ширум светот, не стои хакерски напад, а виновникот го наоѓаат во софтверот на компанијата за кибер безбедност CrowdStrike.
Ново на Сител
-
Собранието не ја прифати интерпелацијата за Африм Гаши
-
Арсовски: ЗНАМ нема да ја поддржи интерпелацијата за Гаши
-
Експлодирала плинска боца - дедо заврши во болница, оштетена и соседната куќа
-
Експлодирала машина за обележување ленти на ЈП за државни патишта
-
Газдарица ја натерала кираџиката да земе кредит, ѝ ги земала парите и ја избркала
-
Му се слошило во затворот па го пренеле на клиника, почина уште еден затвореник од „Идризово“
-
Почина затвореник во „Идризово“
-
Трајановски: На патарините во август наплатени рекордни 7.804.840 евра