Трагедија кај Алексинац: Македонец загина откако им помагал на повредени од сообраќајка

Државјанин на Македонија, со живеалиште во Германија, стар 44 години, загина утрово во сообраќајна несреќа околу 4:50 на автопатот Белград - Ниш, кај Алексинац, кога излегол да им помогне на луѓето повредени во друга сообраќајна несреќа.

На трагедијата во која страдаше Македонецот, претходела сообраќајна несреќа која предизвикал возач на Пежо 5008, исто така со германски регистарски таблички.  Тој движејќи се од Ниш накај Белград, во близина на бензиска пумпа, најверојатно поради тоа што се успал, удрил во заштитната ограда.

Македонецот кој се движел позади Пежото, ја видел несреќата и истрчал да помогне. Меѓутоа на него налетал Мерцедес со унгарски регистарски таблички и го усмртил на лице место.

На местото на несреќата излегла сообраќајната полиција и основен јавен обвинител од Алексинац, кои направиле увид. Благодарејќи на ефикасната интервенција на сообраќајната полиција кои ги преусмериле возилата, избегнат е поголем застој на автопатот.