Трагедија: Македонец возач на камион загина утрово во сообраќајка во Германија
Во сообраќајна несреќа утрово загина 29-годишен возач на камион од Македонија, пишува Букефал клуб.
Како што информираат од порталот несреќата се случила утрово во 06:50 часот на автопатот А44 во близина на Витен, а во правец кон Дортмунд, кога младиот возач од непознати причини излетал десно од патот и удрил во бетонски столб од надвозник. Тој загинал на лице место, а неговото тело било заглавено во смачканата кабина, која од силата на ударот се поделила надолжно на два дела и притоа 25 тони тркала со жица и други метални делови се распрскале наоколу по коловозот.
Поради тоа што не било сигурно дека столбот не е оштетен од ударот, градежен инженер ја тестирал стабилноста на мостот, при што две од трите ленти биле затворени за сообраќај. Патот бил повторно пуштен во употреба околу 9:40 часот.
Полицијата ја процени материјалната штета на 150.000 евра.
Ново на Сител
-
Мицкоски: Имам чувство дека состојбата во Украина ќе ја зголеми цената на струјата на берзите
-
Лекарот обвинет за смртта на Метју Пери, се изјасни за виновен
-
Утре и викендов повремен дожд, во сабота пообилни врнежи и силен ветер
-
Мицкоски: На ДУИ им посакувам опозициски денови во коишто ќе се реформираат
-
Двајца лекари и еден техничар загинаа во сообраќајката кај Прилеп
-
Целосно изгаснат пожарот во Чаир
-
Претепал припадник на ЛГБТИ заедницата, скопјанец заработи условна осуда
-
Вработен во казино во Тетово коцкал пари од прометот