Трајчевски и Дезир разговараа за проблемите во медиумската сфера

Состојбите во медиумската сфера и предлог-измените на Законот за аудио и аудиовизуелни медиумски услуги биле едни од темите за кои разговарале директорот на Агенцијата за аудио и аудиовизуелни медиумски услуги Зоран Трајчевски и претставникот на ОБСЕ за слобода на медиумите Харлем Дезир. 

Агенцијата за аудио и аудиовизуелни медиумски услуги информира дека на средбата, што се одржала вчера попладне, станало збор и за проблемите со кои се соочува Јавниот радиодифузен сервис, а акцент бил ставен на обезбедување сигурни извори за финансирање на регулаторот и на МРТ.