Трамп: Ако треба ќе ја затвориме Владата, но ќе го изградиме ѕидот кон Мексико
Ако треба ќе ја затвориме Владата, но ќе го изградиме ѕидот на границата со Мексико, изјави американскиот претседател Доналд Трамп на митингот во конгресниот центар во Феникс, во државата Аризона.
За време на неговиот говор пред центарот се собрале неколку илјади демонстранти кои полицијата ги растера со димни бомби и солзвац, откако тие почнале да фрлаат со камења и шишиња кон безбедносните сили. На протестот дошло до судир меѓу демонстранти и приврзаници на Трамп.
Градоначалникот на Феникс, Грег Стантон побарал од американскиот претседател да го одложи политичкиот митинг, со цел да се смири ситуацијата по случувањата во Шарлотсвил.
Трамп повторно ги нападна медиумите, додавајќи дека „е време да се откријат лагите на измамничките медиуми, чија улога е да поттикнуваат насилство“.
Во конгресниот центар не присуствуваа двајцата сенатори од Аризона - Џон Мекејн и Џеф Флејк. Гувернерот републиканец Даг Дјуси го пречека Трамп на аеродромот, но не се појави на митингот.
Ова е прва посета на Трамп во Аризона откако ја презеде претседателската функција.
Ново на Сител
-
Разговорите за нова влада во тек, Управен треба да одлучува по одлуките на ДИК за прегласување
-
САД одобрија потенцијална продажба на воена опрема на Украина во вредност од 100 милиони долари
-
Од денеска почнува пријавувањето за бесплатно подигнување кабаст отпад во сите населби во Кисела Вода
-
Министерство за одбрана на Русија: Неутрализирани повеќе од 100 украински беспилотни летала при ноќни напади
-
Сообраќајот на државните патишта се одвива непречено
-
Сончево и топло, до 25 степени
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија