Трамп: Асад избега затоа што Русија го напушти

„Асад веќе го нема“, напиша денеска Трамп на платформата „Трут Соушал“. „Неговиот заштитник, Русија, предводена од Владимир Путин, веќе не беше заинтересирана да го штити“, додаде тој.

Во неговата вчерашна објава напиша дека, бидејќи Русија, која е сојузник на Башар Асад, е зафатена со војната во Украина, таа „изгледа е неспособна да го запре буквалниот марш низ Сирија, земја што ја штитеше со години“. Ако Русија биде принудена да се повлече од Сирија, тоа „може всушност да биде најдоброто што може да ѝ се случи“, затоа што „Русија никогаш немаше голема корист од Сирија“, оцени вчера Трамп.