Трамп го прогласува англискиот за службен јазик во САД

Претседателот на САД, Доналд Трамп ќе потпише извршна наредна, со која првпат во историјата на земјата, англискиот ќе стане службен јазик, соопшти Белата куќа.

Регулативата им остава на агенциите кои добиваат федерални средства да изберат дали ќе продолжат да нудат документи и услуги на други јазици.

Извршната наредба на Трамп ја укинува наредбата на поранешниот претседател Бил Клинтон, владата и агенциите кои добиваат федерални средства да обезбедат јазична помош за лицата кои не зборуваат англиски јазик.

Одредувањето на англискиот јазик како официјален јазик „го зајакнува единството, ја воспоставува ефикасноста на Владата и создава пат за граѓански ангажман, соопшти Белата куќа.