Трет ден по ред ограничувања во Мексико поради енормното загадување на воздухот

Властите во мексиканскиот главен град наредија 40 отсто од автомобилите да не се движат денеска со што трет ден ги продолжија ограничувањата за транспорт воведени поради енормното загадување на воздухот.

Според одлука што ќе биде на сила до 20 јуни, 20 отсто од автомобилите и камионите во Мексико сити во работните денови треба да останат во гаражите. Вчера беше наредно 20 отсто возила да не се користат, но поради недоволниот ефект од мерката, денеска е прифатено дополнителни 20 отсто возила да бидат забранети за движење.

Во средата Мексико објави еколошка тревога за првпат по 14 години заради исклучително виокото ниво на концентрација на штетни гасови во воздухот.