Три жени од Кавадарци се новите позитивни случаи на Ковид-19

Три жени од Кавадарци се новите позитивни случаи на Ковид-19 во Тиквешко, потврди Ристе Јовановски, специјалист и епидемиолог при кавадаречкиот Центар за јавно здравје.

Една од нив претходно имала во семејството позитивен на коронавирус, а другите две не знаеле од каде заболеле од Ковид-19.

Новозаболените се на возраст од 29, 49 и 58 години. Сите се на домашно лекување. Се утврдуваат контактите, со цел нивна изолација.

Од почеток на пандемијата до денеска, во Кавадарци заболеа вкупно 190 лица. Две лица починаа, од кои еден странски државјанин.