Тројца загинати во близина на Хановер откако воз удри во автомобил на премин

Тројца млади луѓе загинаа во недела рано наутро во железничка несреќа во близина на Хановер, Германија, пишува Spiegel Panorama.

Според првите информации, починатиот ја поминал железничката пруга со автомобил додека рампата била спуштена. Возот не можел да закочи и со полна брзина налетал на нив.

Загинаа возачот (22) и двајца сопатници, млад маж (21) и млада жена (22).

Во возот во тој момент имало 38 патници и четворица вработени во железницата, а едно лице е полесно повредено.

Утрото полицијата и пожарникарите во голем број беа на терен, а железничката линија меѓу Хановер и Нинбург (Везер) беше затворена до пладне.