Турција прогласи специјална зона за безбедност долж границата со Сирија
Турција прогласи 15-дневна специјална зона за безбедност во југоисточниот округ Газиантепе, крај границата со Сирија, информира турскиот весник на англиски јазик „Хуриет дејли њуз“.
Ваквите мерки се преземени за да се помогне во борбата против тероризмот. Со влегување во сила на оваа одлука жандармеријата и полицијата од округот добиваат право да го контролираат движењето на сите превозни средства и луѓе. Кога ќе биде неопходно може да се наложи и забрана за минување преку регионот, познат како Ада, а, исто така, може да се наметнат и други мерки за безбедност.
-Мерките се донесени заради нестабилноста на регионот, синоќа изјави турскиот претседател Реџеп Таип Ердоган пред неговото заминување за Туркменистан.
Засега одлуката ќе биде во сила само 15 дена. Развојот на настаните во регионот ќе покаже што ќе се случи по две недели, посочи Ердоган.
Турција ги засили безбедносните мерки долж својата граница со Сирија заради борците на Исламска држава и сириските курдски борци од „Силите за заштита на народот“. Турција соопшти дека сириските курдски сили не треба да преминуваат на запад од реката Еуфрат.
Ново на Сител
-
Уапсени четворица криумчари во Грција – наплатиле по околу 8.500 евра по мигрант за да ги пренесат од Турција до Италија
-
Реакција од Стручниот колегиум при ЈЗУ УК за респираторни заболувања кај децата-Козле
-
Неврохирургот Рендевски, претседавач на Европскиот конгрес по неврохирургија
-
ОН: Израелската армија го „отсече“ северниот дел на Газа од остатокот од Газа
-
Четири општини најавија поддршка од сите аспекти за Здружението на граѓани Албанска академија на науките и уметност
-
Кривична за 49-годишник поради сомнение за кражба на електрична енергија
-
Маж и жена од Скопје меѓусебно се пријавиле за насилство
-
Тетовчанец измамен за 750 евра