Турски имам: Мажите треба да ги тепаат своите жени
Жените треба да му се благодарни на Алах за тоа што се тепани од страна на мажите, изјави турскиот имам Нусредин Јилдиз, објави турскиот весник „Хуриет“.
Муслиманскиот свештеник во телевизиски проповед, емитуван на телевизија блиска до владејачката Партија на правдата и развојот, застана во одбрана на домашното насилство.
- Мажите треба да ги тепаат своите жени. Тоа е запишано во Куранот. Ете зошто жените, кои се удрени од своите сопрузи, татковци и други роднини од машкиот пол, треба да пратат молитви за благодарност кон семоќниот и семилостивиот, затоа што им помагаат на своите мажи да се одморат, изјавил Јилдиз.
Изјавата на имамот предизвика остра реакција од страна на турскиот претседател Реџеп Тајип Ердоган.
- Таквите зборови се недозволиви. Тие му наштетуваат и на нашето општество, и на нашата религија, истакна Ердоган.
И највисокиот орган за верските прашања во Турција (Дианет) го критикуваше Јилдиз.
- Ние не го браниме насилството и зборовите на Јилдиз ги извртуваат постулатите на исламот, изјави лидерерот на Дианет Али Ербаш.
Ново на Сител
-
Тема на денот со Марјан Ненов од движењето Стоп извршители
-
Почина родилка во кумановската болница, новороденчето на интензивна на Детска
-
Струмица и шест села останаа без исправна вода за пиење
-
Законот за нефер трговски практики стапи на сила, поевтинување нема
-
Софија одби медијаторство на Орбан во разговорите со Скопје, различни анализи што всушност понуди унгарскиот премиер
-
ВМРО-ДПМНЕ: Државниот ревизор утврдил сомнителни набавки од Владата на СДСМ
-
Расте потребата од образовни асистенти
-
Пристап до безбеден абортус е здравствено право на секоја жена