Турските власти пресретнале пораки на мрежа на Ѓулен во мај 2015 година

Турските власти пресретнале шифрирани пораки меѓу приврзаници на имамот Фетулах Ѓулен кој живее во САД, пред обидот за пуч на 15 јули. Со тоа, Анкара добила десетици илјади имиња на луѓе од неговата мрежа, изјави турски претставник.

Според него, турската разузнавачка служба МИТ почнала да дешифрира пораки кои се упатени преку апликацијата Бејлок во мај лани, објави Гардијан.

По акцијата, турските власти добиле речиси 40.000 имиња на приврзаници на проповедникот од кои „голем број се директно поврзани со обидот за пуч“.