Уапсени разузнавачи од АНБ, рекетирале познати скопски бизнисмени

Полицијата уапсила неколку припадници на Агенцијата за национална безбедност по налог на шефицата на Обвинителството за гонење огранизиран криминал и корупција, Вилма Русковска, објави „Слободен печат“.

Според порталот, припадниците на АНБ рекетирале познати скопски бизнисмени.

-Станува збор за истражители на АНБ кои ја злоупотребиле својата положба и преку креирање на фиктивни кривични пријави уценувале сопственици на угледни компании, потврдија од МВР за „Слободен печат“.

Според пишувањата на порталот, еден од приведените е фатен со 5.000 евра поткуп кој го изнудил од уценувана жртва во локал во скопски Карпош.

Полицијата ги запленува и компјутерите и телефоните на разузнавачите од АНБ кои се вмешани во скандалот со рекет на угледни бизнисмени.

МВР повеќе детали за оваа акција ќе соопшти во текот на утрешниот ден.