Уапсено момче кое избоде патник во автобус на ЈСП

Вистинска драма се одвивала во автобус на ЈСП во Скопје каде еден патник е избоден од страна на 19-годишно момче.

Како што информира МВР, полициски службеници од ЕВР Ѓорче Петров - ПО Сарај денеска (11.04.2023) го лишија од слобода Х.Џ. (19) од с.Љубин, скопско поради основи на сомнение дека на 04.04.2023 во автобус на ЈСП со бр 60 со остар предмет го нападнал Д.П. од с.Шишево и му нанел повреди.

Од МВР додаваат дека Х.Џ. е задржан во полициска станица и по документирање на случајот ќе биде поднесен соодветен поднесок.