Украина тврди дека „елиминирала“ повеќе од 100.000 руски војници
Русија загуби повеќе од 100.000 војници во војната против Украина, соопшти денеска Генералштабот на украинската армија, јави ДПА.
Според украинскиот Генералштаб, 100.400 руски војници биле „елиминирани“. Тоа би можело да значи дека тие биле или убиени или тешко повредени и несоодветни за служба, наведува ДПА.
Русија неодамна објави податоци за 6.000 загинати во своите редови. Наспроти овие информации, руски независен медиум тврди дека идентификувал по име 10.000 руски војници убиени во борбите.
Украина не дава податоци за своите загуби во дневните извештаи на својот Генералштаб. Неодамна од претседателската канцеларија во Киев беше соопштено дека во борбите се убиени повеќе од 10.000 украински војници.
Двете завојувани страни секојдневно објавуваат податоци за „загубите“ на непријателот и многу ретко за загинатите и ранетите во сопствените редови.
Рускиот министер за одбрана Сергеј Шојгу во септември пријави 5.937 загинати војници.
Ново на Сител
-
Тројца Израелци убиени во вооружен напад на граничен премин меѓу Израел и Јордан
-
ИДФ: Повеќе од 50 ракети истрелани од Либан врз северниот дел на Израел
-
АХВ казни нерегистрирани производители на сирење во Прилеп и Скопје
-
Димитриевски: Да се трудиме да останеме сплотени и единствени како држава
-
Во пресрет на дебатата, Трамп се заканува со затвор за вмешаните во „изборната кражба“
-
Шеф на ЦИА: Западот не треба да се плаши од руските нуклеарни закани
-
Приведени криминалци во Скопје барани со потерници за извршени тешки кражби
-
Мицкоски: Оваа генерација има обврска да ги исправи грешките и да создаде иднина за сите наредни