Унгарското обвинителство покренува истрага за тепањето новинари

Една година откако припадници на унгарски специјални полициски единици на границата со Србија физички нападнаа репортери кои известуваа за бегалската криза, Јавното обвинителство на Унгарија одлучи да покрене истрага за случајот, јави Танјуг.

Здружението на новинари на Србија (УНС) соопшти дека по долгото премолчување на настанот, истрагата е поведена под притисок од неколку европски новинарски здруженија, меѓу кои и Европскиот центар за новинарски и медиумски слободи (ЕЦПМФ). 

- Покренувањето истрага е важен чекор. Тоа значи дека, иако унгарската Влада тврди дека физички напад врз новинари немало, Обвинителството мисли поинаку, изјави Балаж Наваро, претставник на ЕЦПМФ.