УС Опен: Елиминирани Раониќ, Мугуруза и Кузнецова

На УС Опен синоќа беа одиграни првите мечеви од 2.коло во двете конкуренции, а од носителите настапот заврши за финалистот на Вимблдон Милош Раониќ (5.носител), кој загуби од Рајан Харисон со 3-1 во сетови.

Во женска конкуренција елиминирана е Шпанката Гарбине Мугуруза (3.носител), која загуби од Летонката Анастасија Севастова со 2-0 во сетови, додека турнирот заврши и за 9.та носителка Светлана Кузнецова од Русија. Подобра од неа беше Каролине Возниацки.

Кај мажите пласман во 3.коло без борба обезбеди Новак Ѓоковиќ, откако Јиржи Весели го предаде мечот, а победи постигнаа: Џон Изнер, Жо-Вилфред Цонга, Марин Чилиќ, Рафаел Надал и Гаел Монфис.

Кај жените од носителките во 3.то коло ќе играат: Медисон Кејс, Џоана Конта, Роберта Винчи, Доминика Цибулкова и Анжелик Кербер.

Две победи на главниот турнир постигна и Американката Катерине Белис, кој во првото коло од квалификациите ја совлада нашата тенисерка Лина Ѓорческа, што значи дека досега има пет победи.