Утре од воздух ќе продолжи гаснењето на пожарот на планината Огражден
Пожарот на планината Огражден, над селото Бадилен, на територијата на општина Ново Село, што избвувна пред седум денови, ќе продолжи да се гасне и утре, објави градоначалникот Ѓорѓе Божинов.
До крајот на денешниот ден, пожарот се гаснеше со помош на хеликоптерите „Камов“ од Србија и „Блек хоук“ од Турција, дел од меѓународната помош што ја доби државава за гаснење на пожарите.
- Зафатена е огромна површина борова шума и хеликоптерите од Србија и Турција ќе работат сѐ додека е видливо, а ќе продолжат со засилена акција рано наутро. Денес, цел ден на терен се и екипи на ТППЕ - Струмица, храбри луѓе кои спречија ширење на пожарот на местата каде не може да пристапи човечка нога, се наведува во објавата на градоначалникот на Ново Село.
Од ТППЕ - Струмица појаснуваат дека се работи за крајно недостапен терен, со екстремно високи температури, кои под влијание на големиот пожар имаат развиено специфична микроклима со температури над 50 степени Целзиусови и засилен ветер.
Вчера беше изгаснат крајниот северозападен крак од од пожарот, а денеска се продолжи со гаснење на југозападниот крак, веднаш до граничната линија со Бугарија.
Ново на Сител
-
Прва средба Сиљановска – Радев во Софија, ќе успее ли културната дипломатија
-
Приведени 4 лица меѓу кои и познат струмички бизнисмен осомничени за милионски криминал
-
Потенцијалниот судир на двата авиони над македонското небо е сериозен инцидент
-
Mасовно труење со храна на питомци од Bоената академија „Генерал Михајло Апостолски“
-
Во Скопје денеска 6 случаи на голема кашлица – болеста се уште актуелна
-
Се поочигледно е дека Арсовска нема да добие унгарски пари за нови автобуси
-
ДПИ досега изрече три казни за непочитување на мерката за училишниот прибор
-
Целиот албански блок со нов филибастеринг на Законот за бранителите