Утрово гореа три автомобили на паркинг во скопски Аеродром

Три автомобили со скопски регистерски таблици утринава гореа среде паркинг во Аеродром. Според информациите на полицијата, утринава  во 05.07 часот на паркинг простор на булевар „Јане Сандански“ во Скопје  биле опожарени патничко возило „Шкода Фелиција“ со скопски регистарски ознаки, сопственост на М.М. Скопје и патничкото возило „Форд Фиеста“ со скопски регистарски ознаки, сопственост на Ј.Р. од Скопје. Делумно опожарено е патничкото возило „Форд Фјужн“ со скопски регистарски ознаки, сопственост на И.П. од Скопје. Пожарот бил локализиран од екипа на Бригадата за противпожарна заштита, а увид извршила екипа од Полициската станица Аеродром. Се преземаат мерки за целосно расчистување на случајот.