Ватикан обвини пет лица поради аферата Ватиликс

Ватикан денеска покрена обвиненија против пет лица, вклучително и двајца новинари, поради објавување на доверливи документи за малверзации во Светата столица и за злосторничко здружување.

Прелиминарното сослушување е закажана в понеделник.

Шпанскиот свештеник Лусио Анхел Ваљејо Балда и италијанскиот маркетиншки експерт Франческа Шауки уапсени се на почетокот од месецот под сомнение дека ги украле и ги доставиле до медиумите доверливите документи, но во меѓувреме Шаки е ослободена бидејќи соработувала со истрагата.

Балда и Шауки, заедно со трето обвинетиот Никола Мајо, беа членови на специјалната комисија именувана од папата Франциско, задолжена за советување за економските реформи на Ватикан.

Новинарите Џанлуиџи Нуци и Емилијано Фитипалди се обвинети поради објавување на книга со доверливите документи, кои ги собрала Комисијата.

Фитипалди истакна дека е шокиран од постапката на Ватикан.

- Можеби јас сум наивен, но верував дека ќе ги испитаат оние кои ги открив за криминални дејности, а не лицето кое ги откри криминалите, посочи Фитипалди.

Согласно законот од 2013 година, донесен по наредба на папата, обвинетите може да бидат осудени на пет години затвор.