Вељаноски го честита празникот Успение на Пресвета Богородица

Претседателот на Собранието Трајко Вељаноски по повод православниот празник Успение на Пресвета Богородица упати честитка до верниците и до поглаварот на Македонската Православна Црква - Охридска архиепископија г.г Стефан. 

- Празнувањето на Успение на Пресвета Богородица е паметник за мајката Божја, која го донесе на свет синот Божји. Нејзината посветеност кон Бога и љубовта кон луѓето ни говорат за нејзината големина и улога во христијанството. Во Македонија мајката божја е цврсто всадена како закрилник на мајките и жените и продолжува да е извор на безусловна љубов кои тие ја даваат кон своите деца. Како христијани да бидеме хумани и да споделуваме радост, да ги почитуваме највисоките морални вредности и да сме посветени на семејството, стои во честитката.

Во оваа пригода, се истакнува, мора да сме сплотени во нашите цели за промовирање на православните христијански вредности.

- Само обединети можеме успешно да работиме за подобра иднина на секој граѓанин, како и за нашата држава Република Македонија. Вам, како и на сите православни верници од Македонија и светот, Ви посакувам празникот да го поминете во духовен мир, исполнети со многу здравје, среќа и бериќет во секој дом, се посочува во честитката.