Венецуелската опозиција освои квалификувано мнозинство во новиот Парламент
Опозицијата во Венецуела освои квалификувано двотретинско парламентарно мнозинство на неделните парламентарни избори, пренесоа американските медиуми.
Националната изборна комисија на својот сајт ги објави конечните резултати од гласањето, според кои досега непополнетите две места во Парламентот одат во рацете на опозицијата, која на овој начин освојува 112 места во 167-члениот законодавен дом.
Единствената социјалистичка партија на Венецуела на претседателот Николас Мадуро е втора со освоени 55 мандати.
Квалификуваното мнозинство на опозицијата и дава моќ да се обиде да му ја земе власта на Мадуро по 17 години социјалистичко владеење. Сега таа има можност да гласа за промена на судиите во Врховниот суд, да закаже референдум за одземање на мандатот на претседателот, па дури и да свика собрание на кое ќе го смени Уставот, наметнат од претходниот долгогодишен претседател Уго Чавес во 1999 година.
Венецуелскиот претседател Николас Мадуро најави преструктурирање на Владата по тешкиот пораз на парламентарните избори, пренесе ДПА.
-Ги повикав министрите да ги ослободат своите функции, така што ќе можеме да почнеме процес на преструктурирање, обновување и зацврстување на целата Влада, изјави тој на националната телевизија.
Според него, на изборите победиле „лошите момчиња“, дополнува ТАСС.
Ново на Сител
-
Во Белград уапсено уште едно лице под сомнение за терористичко здружување
-
Орбан: Проширувањето на ЕУ кон Западен Балкан е запрено, на европскиот блок му се потребни нови членки
-
Голем шумски пожар на планина во северниот дел на областа Атика, поширокиот регион на Атина
-
Муцунски во Дубровник на средби со Радман, Кулеба и Лајчак, интегрирањето на земјите од Западен Балкан во ЕУ во фокусот на разговорите
-
Дачиќ: Лицето што го изврши терористичкиот напад е преобратеник од Младеновац
-
ЦУК: Планинар кој паднал во провалија се здобил со тешки повреди на главата, со хеликоптер е пренесен до ГОБ "8-ми Септември" каде е констатирана смрт
-
Нимиц: ЕУ направи историска грешка што не го придвижи брзо пристапувањето на Северна Македонија во Унијата
-
Отворена истражна постапка за таткото осомничен за силување на своите ќерки и за мајката за нивно запуштање и малтретирање