Венус Вилијамс учествувала во сообраќајна несреќа со смртни последици

Американската полиција соопшти дека тениската ѕвезда Венус Вилијамс учествувала во сообраќајна несреќа со смртни последици во почетокот на јуни.

Според Си-Ен-Ен, петкратната шампионка на Вимблдон го игнорирала правото на првенство на премин на крстосница во близина на нејзината куќа во Палм Бич Спрингс на Флорида и дојде до судар со друго возило, со кое управувала Линда Барсон, а на местото на совозачот бил нејзинот сопруг Џером Барсон (78).

Госпоѓата е полесно повредена, додека нејзиниот сопруг бил однесен во болница поради повреди на главата, но починал две недели подоцна, пишува „Новости“.

Вилијамс, како што се утврди, не била под дејство на дрога или алкохол, изјави дека поминала на зелено светло и дека не ги видела Барсонови како доаѓаат од другиот правец.