Верешчук: Денеска без хуманитарни коридори, Русите ги блокираат автобусите за цивилите

Украинската вицепремиерка Ирина Верешчук изјави дека денеска нема да биде можно да се отворат хуманитарните коридори за евакуација на цивилите од опколените градови.

 

Верешук кажа дека се работи на повторно воспоставување на коридорите.

 

Во порака на Телеграма, таа ги обвини руските сили за прекршување на примирјето и блокирање на автобусите што ги евакуираат цивилите.

 

Градоначалникот на Мариупол, опколен и опустошен град во јужна Украина, неодамна изјави дека уште 100.000 цивили чекаат евакуација.