Верешчук ги повикa Русите да не посвојуваат деца „украдени“ од Украина
Украинската вицепремиерка Ирина Верешчук ги повика Русите да не посвојуваат деца за кои рече дека биле „украдени“ во Украина за време на војната и депортирани во Русија.
Верешчук на својот канал на Телеграм изјави дека сирачињата биле „украдени во Украина“ и наводно биле дадени на посвојување во Русија.
Таа додаде дека „силно им препорачува на руските граѓани да не посвојуваат украински сираци кои нелегално биле однесени од привремено окупираната територија на Украина“.
– „Уште еднаш ги потсетувам сите руски таканаречени „посвоители“ и „старатели“: порано или подоцна ќе мора да одговарате, напиша Верешчук, која е задолжена за социјални прашања.
Според украинското Министерство за интеграција на окупираните територии, 19.514 украински деца во моментов се сметаат за незаконски депортирани.
Меѓународниот кривичен суд (МКС) кон средината на месецов издаде налог за апсење на рускиот претседател Владимир Путин и на рускиот омбудсман за правата на децата Марија Лвова Белова, обвинувајќи ги за наводно незаконско депортирање на деца од Украина во Русија.
Ново на Сител
-
Приведен 25 годишен кичевчанец, пронајдени огревни дрва без документација
-
Објавена снимка од дрон од вооружената група која го изврши нападот во Бањска
-
Четврток е неработен ден за граѓаните припадници на бошњачката заедница во РСМ
-
Во тек е масовна евакуација од Нагорно-Карабах, во Ерменија влегле 13.550 луѓе
-
Приведени крадци во Струмица, кај нив пронајдени украдени предмети
-
Почина Весна Крстева новинар во националното радио Канал 77
-
Почина глумецот Дејвид Меккалум
-
Ова се убиените Срби во Бањска на Косово | ФОТО