Вешти лица ќе даваат исказ за „Монструм“
Во Кривичниот суд во Скопје денеска треба да продолжи судењето за случајот „Монструм“ на Специјалното јавно обвинителство, за петкратното убиство на Смилковско Езеро од 12 април 2012 година.
Предметот се наоѓа во доказна постапка, а на минатото рочиште искази даваа вешти лица кои извршиле повеќе вештачења во предметот познат како „Монструм“.
Според вештачењата на крим-техниката од МВР, како што беше кажано на рочиштето на 19 октомври, кај Смилковско езеро било пукало со две пушки „калашников“ и еден пиштол.
Вештаците, вработени во МВР во крим техника, кажаа дека не биле повикани на местото на настанот, туку материјалот им бил доставен по регуларен пат за анализа во лабараториски услови. Доставени биле 21 чаура, осум истрелани проектили и два дела од проектили. Од анализата се покажало дека чаурите се од муниција испукана од две пушки и еден пиштол.
За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.
Врховниот суд во декември лани ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.
Популарно од Македонија
Ново на Сител
-
Собранието ги донесе законите со кои се намалуваат платите на пратениците и избраните и именувани лица
-
Од лидер на средношколците до вицепремиер | Александар Николоски | Sitel Podcast 140
-
Апелација пресуди во корист на Анѓушев, одбиена жалбата на ИРЛ
-
Силекс полуфиналист во фудбалскиот Куп на Македонија
-
Владата на Швајцарија ќе им исплати по 56.000 долари на жртвите во пожарот во Кранс-Монтана
-
83-годишен дедо од Битола измамен за 10.000 евра, платил за наводна итна операција на внуката
-
Сообраќајка помеѓу возило на МВР и такси во Црниче
-
Одложени судските рочишта против Мерко за плочата и осветлувањето на Дрим
