Веспрем го совлада Кил на отворањето на 11.коло во ЛШ

 

 Ракометарите на Веспрем славеа победа над Кил во воведниот натпревар од 11.коло на Лигата на шампионите. 

 

На вечерашната средба одиграна во Кил, гостите од Унгарија  забележаа победа против германскиот Кил со 27-35 полувреме 15-15. Ова беше натпревар од А групата во утревечер ќе се игра натпреварот Кадетен Шафхаузен – Барселона , а преостанатите две средби од оваа група, Висла Плок – Силкеборг и Фленсбург – ПСЖ  на програмата се во сабота. 

 

Претстојниот викенд ќе се играат и натпреварите од 11.коло во Б групата во која македонскиот шампион Вардар ќе гостува кај ПИК Сегед во меч кој ќе се игра во сабота од 17 часот и 30 минути. Во истиот термин ќе се игра и натпреварот Мешков Брест - ППД Загреб , додека средбите Кристијанштад - Рајн-Некар и Целје – Киелце  ќе се играат во недела.