Викендов треба да почне монтажа на модуларната болница во Струга
Контејнерите со материјали за модуларната болница за пациенти позитивни или со симптоми на Ковид-19 во Струга треба да пристигнат денеска, а викендов ќе почне да се монтира, информира директорот на Општа болница Струга Мухамед Асани.
Теренот за поставување на монтажната болница, според него, е подготвен. Поставени се инсталации за приклучоци на вода, струја и канализација.
– Објектот ќе се протега на површина од 600 метри квадратни. Предвидени се 35 кревети со цела опрема за пациенти позитивни или суспектни на Ковид-19, како и лабараторија, изјави Асани.
Во моментот, како што информира директорот, во двата ковид-центри, во Струшката болница, односно во Интерното и во Детското одделение, хоспитализирани се 40-тина пациенти, од кои најголемиот дел се на кислородна поддршка. Според него, состојбата со коронавирусот во Струга и Струшко е стабилна и бројот на пациенти стагнира.
Ново на Сител
-
Приведен дилер од Тетовско за издржување казна затвор од четири години
-
ЦУК: Зголемување на водостоите на реките, не постои опасност од излевање
-
ВМРО-ДПМНЕ бара сите пратеници да го поддржат Предлог законот кој ќе овозможи линеарно покачување на пензиите
-
Жителите на Галате бараат мирно решение на случајот и се оградуваат од настаните
-
Мицкоски: Секој граѓанин заслужува пристап до лековите што му се потребни
-
Муцунски во работна посета на Шпанија
-
Во Дрезден ноќеска се урна мостот Карола на реката Елба
-
Најмалку 143 лица настрадаа, а 58 се водат за исчезнати по налетот на тајфунот Јаги во Виетнам