Вложувањето во децата е вложување во иднината, порача премиерот Заев
Вложувањето во децата, нивните права и квалитетно образование е вложување во иднината, напиша премиерот Зоран Заев на својот фејсбук-профил, честитајќи го Светскиот ден на децата – 20 Ноември, денот на усвојувањето на Конвенцијата на Обединетите нации за правата на децата во 1989 година.
- Македонија, како и сите други земји-членки на Обединетите нации, со прифаќањето на Конвенцијата за правата на децата, се обврза дека ќе ги почитува четирите основни принципи – недискриминација, придржување кон најдобрите интереси на детето, правото на живот, опстанок и развој и правото на учество. По повод одбележувањето на овој ден, се обратив на владиниот состанок од високо ниво, на тема „За децата од децата – Да го преобразиме образованието“. Темата на овој настан е во целосна согласност со стратегијата за развој на образовниот систем во нашата земја, напиша премиерот Заев.
Тој додава дека цврста намера на Владата е да дизајнира образовен систем кој ќе создава личности кои ќе размислуваат критички и ќе донесуваат заклучоци базирани на факти, докази и анализи.
-Сакаме образование што ќе изгради личности кои ќе ги почитуваат и негуваат граѓанските права, толеранцијата и различностите, и ќе се воспитуваат и образуваат во духот на мултикултурализмот. Нашето образование мора да се приспособува и на новите глобални предизвици. Пандемијата на КОВИД-19 ни покажа колку е важно образовниот систем да се менува, приспособува и осовременува, потенцира премиерот Зоран Заев.
Ново на Сител
-
Студентите во блокада со повик за оддавање почит за жртвите во Кочани во - Крагуевац и Нови Сад
-
За случајот со пожарот во дискотеката во Кочани досега приведени се 18, а задржани 16 лица, информира Тошковски
-
Митрополитот на Брегалничката епархија г. Иларион повика и ги замоли сите граѓани да бидат кротки, смирени, трпеливи во овие тешки мигови
-
Завршена обдукцијата на сите починати во пожарот во Кочани
-
Уапсен 34 годишен кумановец, се заканувал на 28 годишна жена со која се познавале од претходно
-
Приведен 46 годишен тетовец, со воздушна пушка ја повредил сопругата на неговиот брат
-
Акција во општина Карпош за проверка на хидрантската мрежа во зградите
-
Пред македонската Амбасада во Белград граѓани оддадоа почит за загинатите во Кочани