ВМРО-ДПМНЕ: Дамјановски да го реши проблемот со водата во Куманово
Граѓани од неколку населби во Куманово живеат во субстандардни услови бидејќи на 40 степени немаат вода, а тоа е резултат од недомаќинското и неодговорно владеење на СДС и градоначалникот Зоран Дамјановски, обвинува ВМРО-ДПМНЕ.
- Централното градско подрачје веќе четири дена мака мачи со тропските температури кои надминуваат над 40 степени, во услови кога во градот нема вода. Покрај тоа што нема никаков дотур на вода во централното градско подрачје, високите зони исто така немаат вода по три до четири дена. Системот за водоснабдување на многу места во Куманово е нефункционален и е под постојан прекин, поради неодговорноста на надлежните локални власти, рече на денешната прес-конференција Зоран Ѓорѓиевски, член на ИК на ВМРО-ДПМНЕ.
Додаде дека овој проблем се провлекува со години, но оти овојпат состојбата е загрижувачка.
- За сите граѓани, а особено за болните и изнемоштени луѓе, со хронични болести, основната потреба во овие тропски денови е водата. Но, очигледно дека партиските состаноци во скапи ресторани се побитни од потребите и жедта на граѓаните, рече Ѓорѓиевски.
Апелираше Дамјановски и другите надлежни да го решат овој проблем и, како што рече, да се обезбеди водата која граѓаните ја заслужуваат и уредно ја имаат платено.
Ново на Сител
-
Бугарскиот амбасадор повикан на разговор во МНР поради пробиениот протокол на средбата Силјановска - Радев
-
Навреди од ко-претседавачот
-
Комитетот утре влегува во М-НАВ, од нив зависи дали и Обвинителството ќе отвори истрага
-
Какви незаконски работења откриле контролите на Фондот за здравствено осигурување во ЈЗУ
-
Вреди: Без амин од ДУИ ниту една фирма не може да добие ниту еден денар
-
Ѓорѓиевски: Градоначалниците се недопирливи
-
Обид за убиство во Кочани - напаѓачот е фатен и приведен
-
Опожарени три автомобили во Расадник во скопска Кисела Вода