ВМРО-ДПМНЕ почна со собирање потписи за поништување на Законот за попис
Со поставени штандови на отворено низ градовите во земјава, ВМРО-ДПМНЕ започна иницијатива за собирање потписи со цел поништување на Законот за попис, под мотото „Стави го својот потпис за вистински попис“.
Како што соопшти партијата, штандови на кои граѓаните можат да се потпишат за поддршка на иницијатаивата се поставени во Прилеп, Кочани, Делчево, Виница, Струмица, Радовиш, Гевгелија, Тетово, Брвеница, Теарце, Јегуновце и низ други градови и населени места низ земјава.
– Денеска официјално почна иницијативата на ВМРО-ДПМНЕ за собирање на граѓански потписи против насилниот попис кој го турка Заев. Заев сака да спроведе политичка, наместо статистичка операција и да злоупотреби процес како пописот за политичка игра. Граѓаните во масовни бројки покажаа дека се против импровизациите на Заев, се наведува во партиското соопштение.
На Фејсбук се огласи и лидерот на ВМРО-ДПМНЕ, Христијан Мицкоски кој соопшти дека го дал својот потпис „против фалсификат попис“, за да се „спречи кражба“.
– Го дадов мојот потпис против фалсификат попис. Да поддржиме европски и вистински попис. Да спречиме кражба, да ја тргнеме политиката од статистиката, наведе Мицкоски во објавата.
Во соопштението на ВМРО-ДПМНЕ се невдува дека „народот нема да дозволи Заев преку негов грб да се пазари и да подмирува коалициски долгови“.
– Попис може, но доколку тој биде реален, електронски, како ќе се дојде до јасна слика колку луѓе има во државата, и се друго потребно за институциите како податок. Попис може да има, но тој да биде исклучиво статистичка операција, кој ќе ја отслика реалноста, се додава во соопштението на ВМРО-ДПМНЕ.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице