ВМРО-ДПМНЕ: Заев да објави што содржи договорот со Бугарија
ВМРО-ДПМНЕ и денеска побара Владата и премиерот Зоран Заев да ја објават содржината на договорот што планираат да го потпишат со Бугарија.
- Македонскиот народ има право да знае какви отстапки направил Заев, бидејќи експертите од Бугарија толкуваат дека со договорот се става крај на македонизмот, а сиот овој атак не само што не беше демантиран, туку беше премолчен од институциите предводени од СДС, се вели во денешното соопштение од ВМРО-ДПМНЕ.
Потсетуваат дека остануваат уште три недели до најавеното потпишување на договорот со Бугарија, а, како што велат, јавноста единствено што знае е подготвеноста на Заев да ги брише учебниците по историја.
- Додека Заев најавува бришење на учебниците пратеникот во Европскиот Парламент, Андреј Ковачев јавно без тронка срам изјави дека Македонија има 100 проценти фалсификувана историја. Тоа според Ковачев е основата на која се базира договорот за добрососедство кој Заев го договори во Софија, се вели во соопштението.
За партијата спорно е молчењето на Заев на сите изјави дадени од бугарски функционери кои претставуваат директен напад врз Република Македонија иако, како што велат, тој како премиер е должен да ја брани Република Македонија и да работи во нејзин интерес. Уште поскандалозно, според ВМРО-ДПМНЕ, е што ниту МАНУ нема никакви информации што содржи договорот, а молкот на оваа институција за вакви суштински прашања, отвора простор за нови напади и нови омаловажувања.
ВМРО-ДПМНЕ, велат од партијата, е за градење добрососедски односи базирани на взаемно почитување. ВМРО-ДПМНЕ ќе поддржи се што е во насока на подобрување на односите со соседите, но ништо што е во спротивност со интересите на македонскиот народ и држава.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО