Во Албанија бројот на заразени од Ковид-19 се зголеми на 223 лица, досега излекувани 44, а умрени 11
Во Албанија бројот на заразени од коронавирусот се зголеми на 223 лица. Досега умрени се 11, а излекувани се 44 лица.
-Во последните 24 часа тестирани се 90 сомнителни случаи при што кај 11 од нив е дијагностициран Ковид -19. До денеска тестирани се вкупно 1.526 сомнителни, од нив позитивни се 223 лица. Утрово, 79-годишен пациент од Тирана, почина на Инфективната клиника, во која беше хоспитализран 18 дена. Состојбата му беше подобрена но почина од срцев удар и тој е 11-та жртва од овој опасен вирус, соопшти Министерството за здравство и социјална заштита.
На Инфективната клиника моментално се наоѓаат 74 пациенти, од нив седум се на интензивна терапија од кои четворица се интубирани. Останатите засега се во стабилна состојба.
Минстертвото упатува апел до граѓани да ги почитуваат мерките и препораките.
„Ве молиме продолжете да седите дома бидејќи ова е единствениот начин на кој можеме да надминеме овој предизвик, апелира министертвото.
Од денеска во Албанија почна да се применува мерката со која на пензионерите,односно повозрасните лица, целосно им се забранува излегување од дома, а од секое семејство со посебна дозвола може да излегува само еден член во набавка на потребните продукти и лекови.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции