Во Албанија и официјално потврденa британската мутација, полицискиот час продолжува
Комитетот на експерти за справување со пандемијата со ковид-19 и официјално потврди дека во Албанија циркулира британската мутација на коронавирусот.
Добиените резултати од лабораторија во Анкара потврдуваат дека од 117 примероци во дури 70 е потврдена британската мутација. Поради наглиот раст на новозаразени постоеја сомнежи, но сега тоа и официјално е потврдено, наведува Комитетот.
Според ова институција и покрај тоа што последната недела се забележува благо опаѓање на инциденцата, сепак донесена е одлука за продолжување на полицискиот час, кој трае од 20:00 до шест часот наутро.
Исто така во следните две недели продолжува и одлуката за забрана за партиски и други собири.
Како што информираше министерката за здравство Огерта Манастирлиу, непречено се одвива процесот на имунизација, со кој до сега се опфатени 22.693 лица, главно здравствени работници и постари лица од 80 години.
Потврди дека денес пристигнува првата пратка од 38.400 дози вакцини од АстраЗенека преку Ковакс механизмот. Со нив ќе почне вакцинација на просветните работници до 65-годишна возраст.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка