Во Албанија пристигна првата група од 121 Авганистанец

Првата група Авганистанци, вкупно 121, рано утринава пристигна во Албанија, а на аеродромот ги пречекаа албанската министерка за надворешни работи Олта Џачка, како и американската амбасадорка во Тирана, Јури Ким.

Меѓу пристигнатите Авганистанци има 11 бебиња, пренесува сајтот „Албанијан пост“.

Авиконот слета во 3  часот по полноќ, а станува збор за авганистански државјани кои работеле за американската мисија во оваа земја, пренесува „ABC Albania“.

Авганистанците прво ќе бидат прегледани од лекари од Институтот за јавно здравје, а потоа ќе бидат префрлени во Драч, Тирана и други градови во Албанија.

Се наведува дека планирано е да останат во Албанија додека не добијат виза за САД.