Во Берлин слета првиот авион со германски државјани, евакуирани од Судан

Првиот германски воен авион со луѓе евакуирани од Судан, погоден од конфликт, слета во Берлин, соопшти Министерството за надворешни работи.

Во авионот имаше 101 германски државјанин и членови на нивните семејства, како и државјани на земјите партнери, соопшти Министерството. По запирањето во Јордан, патниците во германската престолнина пристигнале во 6:15 часот.

Како и други земји, Германија вчера започна воена евакуација.

Вкупно три Ербас А400М на Бундесверот полетаа за Судан за да ги земат луѓето што треба да бидат евакуирани.

Германските вооружени сили и Министерството за надворешни работи се обидуваат да пренесат вкупно повеќе од 300 германски државјани, регистрирани на кризната листа заедно со државјани на земјите-партнери, доколку е можно.

Во мисијата се вклучени повеќе од 1.000 членови на Бундесверот.