Во Бразил за 27 дена потврдени еден милион заразени случаи

Бројот на заразени лица со коронавирус во Бразил вчера надмина два милиона, а досега починале речиси 77.000 луѓе, соопшти бразилското Министерство за здравство.

Од почетокот на епидемијата на Ковид-19 во земјата се регистрирани 2.012.151 лице.

Поминаа само 27 дена откако Бразил, кој по бројот на заразени лица се наоѓа на второ место во светот по САД, забележа еден милион случаи. За споредба, во САД од првиот до вториот милион заразени лица поминале 43 дена.

Епидемијата се шири многу брзо, а дневно се регистрираат по речиси 40.000 нови случаи.