Во Брисел се одржува технички дијалог меѓу Србија и Косово
Дијалогот меѓу Србија и Косово на техничко ниво продолжи денеска во Брисел.
Како што јави дописникот на МИА од Белград, дневниот ред остана непроменет, а според најавите на европратениците, се разговара за прашања за имотните и заемните финансиски побарувања.
Директорот на српската владината Канцеларија за КИМ, Петар Петковиќ, кој учествува во техничкиот дијалог изјави дека белградската делегација повторно го иницирала прашањето за формирање на Заедницата на српски општини (ЗСО) и имплементација на Бриселскиот договор.
-Без оглед кое прашање ќе се иницира, без формирање на ЗСО, не можеме да напредуваме во дијалогот, ќе видиме како ќе се однесува приштинската страна, кажа Петковиќ, кој додаде дека од ЕУ зависи кога ќе се одржат следните состаноци и во кој формат и на кое ниво.
Дијалогот беше блокиран во септември, поради одбивањето на Приштина да разговара за претходно договорената тема – формирање на Заедница на српски општини, додека Белград од друга страна стави на знаење дека ќе инсистира на спроведување на овој договор на сите наредни состаноци.
Мирослав Лајчак тогаш изјави дека косовската делегација го изгубила мандатот да разговара за ЗСО, а во меѓувреме, по посетата на Белград и Приштина, кажа да ЗСО е меѓународна обврска на Приштина и дека ќе мора да биде дел од конечниот договор за нормализирање на односите.
Европскиот министер за надворешни работи Жозеп Борел неодамна процени дека договорот може да се постигне за неколку месеци доколку двете страни преговараат во добра намера.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп