Во Центарот за јавно здравје од Кочани регистрирани 60 болни од грип
Само за една недела Центарот за јавно здравје од Кочани регистрирал 60 случаи на сезонски грип кај граѓаните од осумте општини во регионот што го покрива.
Според евиденцијата на Центарот, најголем број од лицата се на возраст меѓу 15 и 60 години, тие ја примаат пропишаната терапија и нивната здравствена состојба се следи, но во наредниот период се очекува покачување на бројот на заболените.
-Лицата со симптоми на грип се пријавени во петтата недела од тековната година, иако во претходниот период немаше ниту еден пациент. Од нив во Делчево имаме 29 пациенти, во Кочани 15, Виница девет, Берово шест и еден е во Пехчево. Наша оценка е дека максимумот на заболени од грип сѐ уште не е достигнат и очекуваме тоа да се случи кон крајот на овој месец и почетокот на март, истакна Горан Николов, епидемиолог во Центарот за јавно здравје.
Како превентива против грипот за оваа сезона во Центарот за јавно здравје во Кочани веќе се потрошени околу 4.500 вакцини, но останати се доволни количини за заинтересираните граѓани кои досега не се вакцинирале.
Со оглед што временските услови се поволни за ширење на вирусот и за зголемување на бројот на заболени, од Центарот за јавно здравје препорачаа граѓаните со симптоми на грип веднаш да се пријават кај матичните лекари.
Ново на Сител
-
ВМРО-ДПМНЕ: Тежок криминал, а судот само одзема пасоши
-
Армијата бара 300 нови професионални војници
-
Колку сме подготвени за справување со пожарите
-
Црвен Крст на Македонија иницира носење на нов закон за волонтерство
-
Во Струмица одбележан јубилејот 80 години Црвен Крст на Македонија
-
Преглед на вестите од светот
-
Единаесет приведени во акцијата за сомнителна набавка на деривати
-
Тема на денот со Никола Додевски, адвокат