Во германската протестантска црква 9.355 малолетници биле сексуално злоставувани

Во германската протестантска црква можеби биле сексуално злоупотребувани 9.355 малолетници, според експертската проценка објавена денеска.

Според тој извештај, може да се избројат 2.225 случаи на сексуална злоупотреба, во кои учествувале 1.259 лица – виновници.

Според Харалд Дресинг, истражувач од Централниот институт за ментално здравје во Манхајм, бројот на потенцијални сторители би можел да биде до 3.500.

Извештајот на повеќе од 800 страници, нарачан од Германската протестантска црква, го составија експерти од неколку германски универзитети и институти.

Дресинг рече дека протестантската црква веројатно евидентира повеќе случаи на сексуална злоупотреба отколку Католичката црква.